თუ სტატისტიკას გადავხედავთ, 2014 წლის თვითმმართველობის და 2016 წლის საპარლამენტო არჩევნებთან შედარებით, წინასაარჩევნო დარღვევების რაოდენობა შემცირებულია. პირველ ოქტომბრამდე არსებული მონაცემების მიხედვით, სისხლის სამართლის საქმე 10 საქმეზეა აღძრული.

არასამთავრობო ორგანიზაციები დარღვევებს შორის, ძირითადად, ადმინისტრაციული რესურსის გამოყენების და ორივე მხრიდან ყალბი ინფორმაციის გავრცელების ფაქტებს ასახელებენ.

გაცილებით მწვავე შეფასებებს აკეთებს ოპოზიცია, მმართველი გუნდი ოპონენტების არცერთ ბრალდებას არ იღებს. ამ ეტაპზე მესამე სექტორის მხოლოდ შუალედური დასკვნებია გამოქვეყნებული, საბოლოო ანგარიშები არჩევნების შემდეგ დაიდება.