ევროპული საქართველოს ზუგდიდის მერობის კანდიდატმა ლელა ქებურიამ ბრიფინგი გამართა. მან ისაუბრა გუშინ ზუგდიდის რაიონის სოფელ ერგეტაში მომხდარ ინციდენტზე. მისი თქმით, ევროპული საქართველოს მომხრეებს სიტყვიერი და ფიზიკური შეურაცხყოფა ქართული ოცნების წარმომადგენლებმა მიაყენეს.
ლელა ქებურიას თქმით, მოხდა თავდასხმაში მონაწილე პირების იდენტიფიცირება და დაასახელა რამდენიმე პირი. მათ შორის ქართული ოცნების ზუგდიდის საარჩევნო შტაბის უფროსის, დავით კოდუას მამა ოთარ კოდუა.
ევროპული საქართველო ინციდენტში მონაწილე პირების დასჯას ითხოვს. ლელა ქებურიას ბრალდებებს უპასუხა დავით კოდუამ. კოდუას განმარტებით, ევროპული საქართველოს წევრებმა პროვოკაცია მოაწყვეს. მან ზონდერებად მოიხსენია ის პირები, ვინც ევროპული საქართველოდან ინციდენტში მონაწილეობდა.
ერგეტაში მომხდარ ფაქტზე შსს-მ სისხლის სამართლის საქმე აღძრა 126- ე მუხლით.