არასაპარლამენტო ოპოზიციური პარტიების ლიდერები დემოკრატიული მოძრაობა ერთიანი საქართველოს ოფისში საერთაშორისო და ადგილობრივ სადამკვირვებლო ორგანიზაციებს შეხვდნენ.

ოპოზიციურმა პარტიებმა სადამკვირვებლო მისიებს დეტალური ანგარიში გააცნეს წინასაარჩევნო პერიოდში დარღვევებისა და ოპოზიციურ პარტიებზე ზეწოლის ფაქტების შესახებ.

ოპოზიციის ანგარიშში ასახულია საჯარო სკოლებსა და ბაგა-ბაღებში დასაქმებული პირების წინასაარჩევნო აგიტაციაში ჩართვის შემთხვევები და ძალოვანი უწყების საარჩევნო მიზნებში ჩართვის ფაქტები. საუბარია ასევე წინასაარჩევნო პერიოდში ოპოზიციურ კანდიდატებზე ზეწოლის შემთხვევებზე.