ყირგიზეთში საპრეზიდენტო არჩევნები დასრულდა. ცენტრალური საარჩევნო კომისიის პირველადი მონაცემებით, არჩევნებში მმართველი პარტიის კანდიდატი ლიდერობს.
წინასწარი მონაცემებით, სოორონბაი ჟეენებეკოვს ხმა ამომრჩეველთა თითქმის 40%-მა მისცა. მეორე ადგილზეა ოპოზიციის ლიდერი ომურბეკ ბაბანოვი.
შეგახსენებთ, რომ ყირგიზეთის კანონმდებლობით, პრეზიდენტის ასარჩევად ამომრჩევლების 50 პროცენტზე მეტის მხარდაჭერაა საჭირო.
როგორც ყირგიზეთს ცენტრალურ საარჩევნო კომისიაში ამბობენ, არჩევნების წინასწარი შედეგები დაახლოებით ერთ საათში გახდება ცნობილი. ამის საშუალებას ყირგიზეთის მთავრობის მიერ დანერგილი ელექტრონული სისტემა იძლევა.
როგორც ცნობილია, ყირგიზეთის მოქალაქეები წელს პირველად აძლევდნენ ხმას ელექტრონულად. მათი იდენტიფიცირება ბიომეტრიული მონაცემებით, კერძოდ თითის ანაბეჭდის მიხედვით ხდებოდა.