მსახიობი ლიკა ქავჟარაძე ვაკის სასაფლაოზე, დედის გვერდით დაკრძალეს. სამოქალაქო პანაშვიდი ვაკის სამების ტაძარში დილიდან მიმდინარეობდა. მსახიობის ხსოვნას პატივს მიაგებდნენ მისი კოლეგები, პოლიტიკოსები და რიგითი მოქალაქეები.

სამების ტაძარში მეუღლესთან ერთად მივიდა ყოფილი პრემიერი ბიძინა ივანიშვილი, თუმცა, მას ჟურნალისტებთან კომენტარი არ გაუკეთებია.

ლიკა ქავჟარაძის კინოკარიერა 12 წლიდან დაიწყო. ოცდაათამდე როლის მიუხედავად, განსაკუთრებული აღიარება მას თენგიზ აბულაძის „ნატვრის ხეში“ შესრულებულმა მარიტას როლმა მოუტანა.

ლიკა ქავჟარაძე 11 ოქტომბერს, 57 წლის ასაკში გარდაიცვალა.