პროკურატურა მათ ოპოზიციის მხარდამჭერი აქტივისტების არაადამიანურ და დამამცირებელ მოპყრობაში ადანაშაულებს. საქმე ეხება 2011 წლის მაისში თბილისში ოპოზიციის მიერ ორგანიზებულ აქციებს. საგამოძიებო მასალების მიხედვით, საპროტესტო გამოსვლების მასშტაბურობის თავიდან ასაცილებლად აქციების მონაწილეთა დევნა-დაკავების ოპერაცია დაიწყო.
გამოძიების ცნობით, დაკავებულებს შორის იყო 14 აქტივისტი, რომლებიც ყვარლის დროებითი დაკავების იზოლატორში არაადამიანური მოპყრობის მსხვერპლნი გახდნენ. მათ შორის ერთ-ერთი - ვეტერანთა სახელმწიფო სამსახურის დირექტორი დღეს ,,მოამბესთან” 6-წლის წინანდელ მოვლენებს დეტალურად იხსენებს.
პროკურატურის ბრალდებას იზოლატორის ყოფილი უფროსი თემურ ველიჯანაშვილი არ ეთანხმება. მის პოზიციას ადვოკატი ახმოვანებს.