ფაროსანას გაჭყლეტის შემთხვევაში შესაძლოა, მწერმა ადამიანზე ალერგიული რეაქცია გამოიწვიოს, -ამის შესახებ დღეს დაავადებათა კონტროლის ცენტრში ისაუბრეს. ცენტრში განმარტეს, რომ ამის ალბათობა ნაკლებია, თუმცა სიფრთხილე აუცილებელია.
ცენტრის ხელმძღვანელის, ამირან გამყრელიძის განცხადებით, მწერი დაავადებების გადამტანი არ არის, ის არ კბენს ადამიანს და ცხოველებს. დაავადებათა კონტროლში დღეს მოსახლეობას ის რეკომენდაციები შეახსენეს ,რომლითაც აზიური მწერის შემცირებაა შესაძლებელი.
სპეციალისტებმა აღნიშნეს, რომ სახლის პირობებში მის გასანადგურებლად საუკეთესო ხელსაწყო მტვერსასრუტია. რაც შეეხება სპეციალურ პრეპარატებს, დაავადებათა კონტროლში ამბობენ, რომ მათი შემოწმება წინასწარ უნდა მოხდეს, რათა ხსნარები ადამიანის ჯანმრთელობაზე ცუდად არ აისახოს.