როგორი იქნება პირველი არხის ახალი შენობა - სოციალურ ქსელში 9-დღიანი გამოკითხვა ამ წუთებში დასრულდა.
პირველი არხის შენობაში შეკრებილია სპეციალური კომისია. კომისიის წევრები კონკურსში მონაწილე სამ პროექტს აფასებენ.
მთავარი აქცენტები ოთხ კრიტერიუმზე კეთდება: ფუნქციური მხარე, პრეტენდენტის გამოცდილება, პერსონალის გამოცდილება და მიწოდების ვადა. მეხუთე კრიტერიუმი – შენობის დიზაინია, რომლის არჩევა, პირველი არხის ისტორიაში პირველად, მენეჯმენტმა საზოგადოებას შესთავაზა.
ხარისხის კრიტერიუმები უკვე შეფასებულია, პირდაპირ ეთერში კი ერთად გავეცნობით კომპანიების მიერ შემოთავაზებულ ფასებს, რის შემდეგაც საბოლოო გამარჯვებული გამოვლინდება.
სამი პრეტენდენტი კომპანიის, კერძოდ, შპს BWC, შპს „თბილქალაქპროექტისა“ და შპს „არტ-სტუდიოს“ შორის გამარჯვებულის არჩევა ხმის მიცემის პრინციპით პირველი არხის ვებ-გვერდზე 4 ოქტომბრიდან დაიწყო.