ათენში, ესპანეთის საელჩოში კატალონიის დამოუკიდებლობის მხარდამჭერი ანარქისტების ჯგუფი შეიჭრა.

ინფორმაციას ამის შესახებ სააგენტო Reuters-ი ავრცელებს. უსაფრთხოების მიზნით, დიპლომატიური მისიის შენობიდან თანამშრომლების ევაკუაცია განხორციელდა.

როგორც საელჩოს წარმომადგენელმა განაცხადა, შენობაში 15-20-კაციანი ჯგუფი შეიჭრა. მათ პროპაგანდისტული ფურცლები დაყარეს წარწერით „სოლიდარობა ხალხის იარაღია“. დემონსტრანტებს შენობაში არაფერი დაუზიანებიათ.

ადგილზე მისულა პოლიციამ 19 ადამიანი დააკავა. სამართალდამცავების ინფორმაციით, აქციის ორგანიზატორი იყო ბერძნული დაჯგუფება „რუბიკონი“, რომელიც ესპანეთისგან კატალონიის გამოყოფას უჭერს მხარს.