კატალონის ავტნომიური რეგიონის მეთაური კარლეს პუიჩდემონი დღეს რეგიონულ პარლამენტში სიტყვით გამოვა და დამოუკიდებლობის შესახებ ე.წ. რეფერენდუმის შედეგებს ოფიციალურად გამოაცხადებს. ამის საფუძველზე, რეგიონული მთავრობა სავარაუდოდ ესპანეთისგან გამოყოფის პროცესს დაიწყებს.

ბარსელონაში გამკაცრებულია უსაფრთხოების ზომები.

პრემიერ-მინისტრ მარიანო რახოის მთავრობა რეფერენდუმს არაკონსტიტუციურად მიიჩნევს და მზადყოფნას გამოთქვამს, კატალონიის დამოუკიდებლობის გამოცხადების შემთხვევაში, ყველა კანონიერ ზომას მიმართოს, მათ შორის აამოქმედოს კონსტიტუციის 155-ე მუხლი, რომელიც რეგიონის ავტონომიის გაუქმებას ითალისწინებს.

კატალონიის რეგიონული პარლამენტის სხდომამდე ერთი დღით ადრე, განცხადება გააკეთა ბარსლონის მერმა ადა კოლაუმ, რომელმაც მხარეებს მოლაპრაკებებისკენ მოუწოდა. მისი თქმით, 1-ლი ოქტმბრის ე.წ. რეფერენდუმის შედეგები დამოუკიდბელობის გამოცხადების გარანტია არ არის.

1-ელ ოქტომბერს გამართული ე.წ. რეფერენდუმის მონაწილეთა 90 პროცენტმა დამოუკიდბელობას დაუჭირა მხარი. ამასთან, აქტივობამ 43 % შეადგინა. რეფერენდუმის მიმდინარეობისას პოლიციასა და აქციის მონაწილეებს შორის დაპირისპირების დროს 800-ზე მეტი ადამიანი დაშავდა.