ბარსელონაში ერთიანი ესპანეთის მომხრეთა ხალხმრავალი აქცია იმართება. დემონსტრაციაზე ათასობით ადამიანი შეიკრიბა. ისინი კატალონიის დამოუკიდებლობის წინააღმდეგ გამოდიან. მომიტინგეებს ხელში ესპანეთის დროშები უჭირავთ და ქვეყნის ერთიანობის მხარდამჭერ ლოზუნგებს სკანდირებენ.
შეგახსნებთ, მანამდე ცნობილი გახდა, რომ კატალონიის ადგილობრივი მთავრობის მეთაური კარლეს პუჩდემონი კატალონიის პარლამენტს 10 ოქტომბერს მიმართავს.

როგორც ვარაუდობენ, პუჩდემონმა შესაძლოა, კატალონიის უნილატერალური დამოუკიდებლობა გამოაცხადოს.