თბილისში ჰააგის დელეგაციის ვიზიტი გრძელდება.
დღეს სისხლის სამართლის საერთაშორისო სასამართლოს წევრები 2008 წლის აგვისტოს ომით დაზარალებულთა თემების წარმომადგენლები შეხვდებიან და მათ საკუთარი საქმიანობის შესახებ დეტალებს მიაწვდიან. აგრეთვე, დაზარალებულებისგან მოისმენენ მათი საჭიროებების შესახებ ინფორმაციას.
გუშინ მედიასთან შეხვედრის შემდეგ, ცნობილი გახდა, რომ აი-სი-სი-ს ნდობის ფონდი დაზარალებულებს მატერიალურ, სამედიცინო და ფსიქოლოგიურ დახმარებას გაუწევს, თუმცა, საამისოდ ხანგრძლივი მოკვლევის პროცესი უნდა დაიწყოს.
ჰააგის წარმომადგენლობამ დააანონსა, რომ უკვე 2018 წლის იანვრისთვის თბილისში ოფიციალურ წარმომადგენლობას გახსნის, სადაც დასაწყისისთვის რამდენიმე ადამიანი იმუშავებს. მისი ხელმძღვანელი კი მხარეებთან კომუნიკაციის და გამოძიების პროცესის მიმდინარეობაზე იქნება პასუხისმგებელი.