ლას ვეგასში მოწყობილი თავდასხმის შედეგად დაჭრილი 45 ადამიანი კრიტიკულ მდგომარეობაშია. როგორც „ესოშიეტიდ პრესი“ იუწყება, დაზარალებულებს შორის ორი მცირეწლოვანი ბავშვია.

საავადმყოფოში სროლის შედეგად დაშავებული 300-ზე მეტი მოქალაქე გადაიყვანეს. მოგვიანებით მათი ნაწილი გაწერეს.

შეგახსენებთ, ამ დროისთვის არსებული ინფორმაციით, ლას ვეგასში სასტუმრო „მენდელეი ბეიში“ მოწყობილი თავდასხმის შედეგად, დაღუპულია 59 ადამიანი. დამნაშავის მოტივი უცნობი რჩება. გამოძიების ფედერალურ ბიუროში ბოროტმოქმედის, 64 წლის სტივენ პედოკის ტერორისტებთან კავშირს არ ადასტურებენ.