ტერორისტული ორგანიზაცია „ნუსრას ფრონტის“ ლიდერი რუსული სამხედრო ავიაციის იერიშის შედეგად მძიმედაა დაჭრილი. ინფორმაციას რუსეთის თავდაცვის სამინისტრო ავრცელებს.

გავრცელებული ცნობით, საჰაერო დარტყმების შედეგად ლიკვიდირებულია „ნუსრას ფრონტის“ 12 საველე მეთაური და დაჯგუფების 50-მდე წევრი.

ლიკვიდირებულთა შორისაა ტერორისტული ორგანიზაციის მეთაურის ერთ-ერთი თანაშემწეც. რუსეთის თავდაცვის უწყებაში ასევე ამბობენ, რომ „ნუსრას ფრონტის“ მეთაურის, აბუ მუჰამად ალ-ჯულანის ხელმძღვანელობით ტერორისტული დაჯგუფების ლიდერების შეკრება მიმდინარეობდა, რა დროსაც შეკრების ადგილი SU 34-ისა და SU 35-ის ტიპის სამხედრო თვითმფრინავებმა დაბომბეს.