ლას ვეგასში მოწყობილი სროლის შემსრულებლის, სტეფენ პედოკის სახლში ჩრხეკისას პოლიციამ 18 ერთეული იარაღი, ასაფეთქებელი ნივთიერება და ტყვია-წამალი ამოიღო. ინფორმაცია ამის შესახებ ლას ვეგასის შერიფმა, ჯოზეფ ლომბარდომ გაასაჯაროვა. ამასთან, შერიფის მონაცემებით, მსხვერპლთა რიცხვი 59-მდე გაიზარდა. დაშავებულია 527 ადამიანი.

შეგახსენებთ, ლას ვეგასის ცნობილი გასართობი კომპლექსის, Mandalay Bay-ს 32-ე სართულიდან 64 წლის მამაკაცმა მუსიკალურ ფესტივალზე შეკრებილ ხალხს ცეცხლი გაუხსნა. თავდამსხმელმა სტივენ პადოკმა სასტუმროს ნომერში პოლიციის მისვლამდე თავი მოიკლა. ნომერში პოლიციამ 10 ავტომატი აღმოაჩინა.

თავდასხმაზე პასუხისმგებლობა ე.წ. ისლამურმა სახელმწიფომ აიღო, თუმცა გამოძიების ფედერალური ბიურო აცხადებს, რომ სტეფენ პედოკსა და საერთაშორისო ტერორისტულ ჯგუფებს შორის კავშირი ვერ დაადგინა.