ამერიკელი გენერალი ბენ ჰოჯესი ევროკავშირის ლიდერებს მოუწოდებს „სამხედრო შენგენის ზონა“ შექმნან.
როგორც „ასოშიეთედ პრესი“ იუწყება, ევროპაში დისლოცირებული ამერიკელი ჯარისკაცების სამხედრო მეთაური მოუწოდებს ევროპელ ლიდერებს, იფიქრონ ისეთ სასაზღვრო წესების შემუშავებაზე, რომელიც საშუალებას მისცემს NATO-ს სამხედროებს და ტექნიკას საიჭიროების შემთხვევაში ევროკავშირის წევრ სახელმწიფოებს შორის თავისუფლად და შეფერხებების გარეშე იმოძრაოს.
ბენ ჰოჯესის თქმით, ეს აუცილებელია პოტენციური აგრესორის, მათ შორის რუსეთის შესაჩერბლად.
„ალიანსის სამხედრო ძალებს, რუსეთის ფედერაციის სამხედროებზე სწრაფად გადაადგილების საშუალება უნდა ჰქონდეთ. ეს აუცილებელია, თუ ჩვენ მართლაც გვსურს, რომ NATO-ს ძალებს შეკავების ეფექტური მექანიზმი გააჩნდეს“, - განაცხადა ჰოჯესმა.
მისივე თქმით, „სამხედრო შენგენში“ ჯარისკაცები და სამხედრო ტექნიკა საზღვარზე შემოწმების გარეშე უნდა გადაადგილდებოდეს.
შეგახსენებთ, რომ მანამდე ლიტვის ხელისუფლებამ მოუწოდა ევორკავშირს „სამხედრო შენგენის ზონის“ შექნისკენ, რათა NATO-ს ევროპის ტერიტორიაზე სამხედროების სწრაფად გაგზავნის საშუალება მიეცეს.