მსოფლიო ეკონომიკური ფორუმის 27 სექტემბერს გამოქვეყნებული გლობალური კონკურენტუნარიანობის ინდექსის მიხედვით, ბოლო შვიდი წლის განმავლობაში საქართველო პირველად პოზიციებს კარგავს.

ანგარიშში 137 ქვეყნის კონკურენტუნარიანობაა შესწავლილი, სადაც საქართველო 2016 წლის მონაცემებს 8 საფეხურით ჩამორჩება და 67-ე ადგილს იკავებს. უკუსვლა ფიქსირდება ისეთ სფეროებში, როგორიცაა სოფლის მეურნეობის პოლიტიკა, სასამართლო დავების გადაწყვეტა და სასამართლო დამოუკიდებლობა.

კონკურენტუნარიანობის მაჩვენებელი ბიზნესსუბიექტების გამოკითხვის შედეგად დადგინდა.

საქართველოს რეფორმების ასოციაცია მოუწოდებს ხელისუფლებას შედეგები გააანალიზოს და ხარვეზები უმოკლეს ვადებში გამოასწოროს.