დეკანოზ გიორგი მამალაძის ადვოკატმა მიხეილ რამიშვილმა მატროსოვის საპატიმრო დატოვა.
როგორც ადვოკატმა მიხეილ რამიშვილმა ჟურნალისტებს განუცხადა, მამალაძეს სატელეფონო კომუნიკაციის პრობლემა სასჯელაღსრულების მინისტრის კახი კახიშვილის ჩარევის შემდეგ აღმოიფხვრა.
მისი თქმით, მამალაძის ჯანმრთელობის მდგომარეობა გართულებულია.
"საკვებს და მედიკამენტებს ღებულობს, მაგრამ ჯანმრთელობის მდგომარეობა ცოტა გაურთულდა, შაქარი აქვს 65-მდე დაცემული, მკაცრად კონტროლდება მისი ჯანმრთელობა. შეხვედრაზე ხვალინდელ სარჩელთან დაკავშირებითაც ვისაუბრეთ, ხვალ შევიტანთ და ერთად გავეცნობით დეტალებს. სარჩელში ასახული იქნება რამდენად არაკანონიერი იყო ბესიკ ბუგიანიშვილის განაჩენი. მისთვის ცნობილი გახდა ასევე სიუჟეტზე, სადაც საუბარი იყო თეთრუაშვილის ჩვენების ფრაგმენტებზე. დეკანოზი კიდევ ერთხელ ამბობს, რომ მის წინააღმდეგ დაიგეგმა ეს ყველაფერი", - განაცხადა მიხეილ რამიშვილმა.