NDI-ის სადამკვირვებლო მისიის შუალედური ანგარიშის უმეტესად მშვიდობიან, თუმცა, არაკონკურენტულ წინასაარჩევნო გარემოზე მიუთითებს.
ეროვნულ-დემოკრატიულმა ინსტიტუტმა არჩევნებზე სადამკვირვებლო მისიის პირველადი მიგნებები გამოაქვეყნა. ანგარიში 29 აგვისტო-25 სექტემბრის პერიოდს მოიცავს. როგორც ორგანიზაციაში აცხადებენ, პოლიტიკური გარემო პლურალიზმით ხასიათდება და ამომრჩევლებს მრავალფეროვანი არჩევანის გაკეთების საშუალება აქვთ.
ეს არჩევნები საქართველოს საშუალებას აძლევს, სანდო არჩევნების ჩატარების დამკვიდრებული პრაქტიკა გააგრძელოს. ჯერ იდეებისა და პოლიტიკის გარშემო დებატები და არსებითი განხილვები მცირეა. მმართველმა პარტიამ წინასაარჩევნო შემოწირულობების 95 პროცენტი მიიღო და ვრცელ სარეკლამო კამპანიას აწარმოებს - წერია ანგარიშში.
ორგანიზაციის ცნობით, უმეტესად მშვიდობიანი გარემოს მიუხედავად, მარნეულსა და ხობში ევროპული საქართველოს წინააღმდეგ განხორციელებული ძალადობის რამდენიმე ფაქტის შესახებ გავრცელდა ინფორმაცია.
ფაქტებზე გამოძიება უკვე დაწყებულია.