ფოთში ძლიერმა წვიმამ მოსახლეობას პრობლემები შეუქმნა. დატბორილია ეზოები, საცხოვრებელი სახლების პირველი სართულები. გადაადგილება უჭირს როგორც ტრანსპორტს, ისე ქვეითად მოსიარულეებს.

ადგილობრივები შექმნილ ვითარებას გაუმართავ სატუმბ სადგურებს და მოუწესრიგებელ სანიაღვრე არხებს უკავშირებენ.

„ფოთი ვენეციას დაემსგავსა. შეუძლებელია ქუჩებში სიარული. მოვითხოვთ ამ პრობლემის დაუყონებლივ მოგვარებას“, - განაცხადა ადგილობრივმა ფატიმა კოკაიამ.

ხელისუფლების ინფორმაციით, შეუფერხებლად მუშაობს შვიდივე სატუმბი სადგური და პრობლემა უხვმა ნალექმა გამოიწვია.