ეთნოგრაფიული მუზეუმის ღია სივრცეში ახალი სასწავლო წლის დაწყება აღნიშნეს.
ღონისძიებას თბილისში მოქმედი უნივერსიტეტის სტუდენტები დაესწრნენ. სასწავლო წლის დაწყება მათ თბილისის მერმა დავით ნარმანიამ, განათლებისა და მეცნიერების მინისტრის მოადგილემ თეიმურაზ მურღულიამ და სხვადასხვა უნივერსიტეტების რექტორებმა მიულოცეს.
მუზეუმის ეზოში მოეწყო სპეციალური სივრცეები სტუდენტებისთვის, წარმოდგენილი იყო ბარმენების შოუ, რომელიც პროფესიული კოლეჯის „იკაროსი“ და მერიის პროფესიული გადამზადების პროგრამის მონაწილე ახალგაზრდებმა მოაწყვეს.
ოფიციალური ნაწილის დასრულების შემდეგ ჩატარდა ახალგაზრდებისთვის პოპულარული ჯგუფის კონცერტი.
ღონისძიება მერიის განათლების, სპორტისა და ახალგაზრდულ საქმეთა საქალაქო სამსახურის ორგანიზებით განხორციელდა.