ინტოქსიკაციის ნიშნებით ქობულეთის საავადმყოფოში გადაყვანილი მოზარდები კლინიკიდან გაწერეს, - ამის შესახებ საავადმყოფოს ექიმმა შირინ ჯორბენაძემ განაცხადა.
მისი თქმით, ამ დროისთვის შეუძლებელია ინტოქსიკაციის ზუსტი მიზეზის დადგენა. იგი კატეგორიულად გამორიცხავს წყლით მოწამვლის ალბათობას.
„წყალს კატეგორიულად გამოვრიცხავ, რადგან ასეთ შემთხვევაში მთელი სკოლა უნდა მოწამლულიყო. 14 ბავშვი მოიყვანეს ჩვენთან, ორი სასწრაფო დახმარებამ, დანარჩენი კი მშობლებმა. ყველა მათგანს აღენიშნებოდა გულის რევა, ნაწილს ტკივილი მუცლის არეში. ამ დროისთვის ყველა გაწერილია. მათ ჯანმრთელობას საფრთხე არ ემუქრება", - განაცხადა შირინ ჯორბენაძემ.
შემთხვევა დღეს ქობულეთის მეორე საჯარო სკოლაში მოხდა. პირველი გაკვეთილის შემდეგ მეშვიდე კლასის 12 მოსწავლე ერთდროულად ცუდად გახდა.