ჟენევაში საქართველოს ოკუპირებულ რეგიონებთან დაკავშირებით, გაერო-ს ადამიანის უფლებათა უმაღლესი კომისრის ანგარიში განიხილეს.

შვეიცარიაში გაერო-ს ადამიანის უფლებათა საბჭოს 36-ე სესია გაიმართა. სესიის მონაწილეებს სიტყვით საქართველოს საგარეო საქმეთა მინისტრის პირველმა მოადგილემ დავით ზალკალიანმა მიმართა და გაერო-ს წევრ-სახელმწიფოებს უკანასკნელ პერიოდში ოკუპირებულ რეგიონებში განვითარებული მოვლენები გააცნო, მათ შორის განსაკუთრებული ყურადღება დაეთმო გორის მუნიციპალიტეტის სოფელ ერედვში დევნილი მოსახლეობის სახლების ნგრევის ფაქტებს.