საქალაქო სასამართლომ ბესო ხარძიანის მკვლელობის საქმეზე გამამტყუნებელი განაჩენი გამოაცხადა.
შეკვეთილ მკვლელობაში ბრალდებულ, ძებნილ ოლეკსანდრ დომეტოვს, იგივე ფარიდ გურბანოვს 19 წელი, მკვლელობის დახმარების მუხლით ბრალდებულ ოლეგ დოევს 19 წელი მიუსაჯა.
საქმის განხილვა სასამართლოში თითქმის 9 თვის განმავლობაში მიმდინარეობდა. 2015 წლის 28 მარტს მომხდარი მკვლელობის შემდეგ უცხო ქვეყნის მოქალაქეები პასუხისგებაში 2016 წელს მისცეს.
გამოძიებით დადგინა, რომ ხარძიანის მკვლელობის მიზნით 2015 წლის 13 იანვარს კიევი-თბილისის რეისით უკრაინის მოქალაქე ოლეკსანდრ დომეტოვი და რუსეთის მოქალაქე ოლეგ დოევი ჩამოფრინდნენ. ორი თვის განმავლობაში ისინი ბესარიონ ხარძიანს უთვალთვალებდნენ. ცნობილი გახდა ისიც, რომ ოლეკსანდრ დომეტოვი სინამდვილეში ფარიდ გურბანოვი იყო, რომელსაც ყალბი დოკუმენტაცია გააჩნდა. გურბანოვმა 3-ჯერ ესროლა ხარძიანს, ერთი საკონტროლი ტყვია თავის არეში. უცხო ქვეყნის მოქალაქეებმა იმავე დღეს სარფის სასაზღვრო გამშვები პუნქტის გავლით საქართველო დატოვეს. ამ დრომდე მათ საერთაშორისო ქსელით ეძებენ.