საზოგადოებრივი ორგანიზაციების სახელმწიფო დაფინანსება - ამ სახელწოდებით გაიმართა ეროვნული ფორუმი სასტუმრო „მუზეუმში“.
ფორუმის მიზანი, საზოგადოებრივი ორგანიზაციების სახელმწიფო დაფინანსების არსებული მდგომარეობის შეფასება, საერთაშორისო გამოცდილებისა და ტენდენციების გაზიარება.
ასევე, ყველა დაინტერესებული მხარის ინიციატივების წარმოდგენაა საქართველოში სახელმწიფო დაფინანსების მოდელის შექმნისთვის.
ფორუმზე სამოქალაქო საზოგადოების ინსტიტუტმა წარმოადგინა კვლევა, რომლის ფარგლებშიც შესწავლილია საზოგადოებრივი ორგანიზაციების სახელმწიფო დაფინანსების საუკეთესო ევროპული პრაქტიკა და ამ მიმართულებით საქართველოში არსებული მდგომარეობა.
ფორუმს საერთაშორისო საზოგადოებრივი ორგანიზაციების, ასევე, ცენტრალური ხელისუფლების წარმომადგენლები ესწრებიან.
ღონისძიება ევროკავშირის დაფინანსებით ხორციელდება.