ავიაკომპანია Raynair-მა 18 000 ფრენა გააუქმა. საუბარია 2017 წლის ნოემბრიდან 2018 წლის მარტის ჩათვლით დაგეგმილ რეისებზე. ფრენების გადადება 400 000-ს მგზავრს შეეხება.

ავიაკომპანიის გადაწყვეტილებით, 34 მიმართულებით ფრენები დროებით შეწყდება. მათ შორის არის ბუქარესტი-პალერმოს, კელნი-ბერლინის, ჰამბურგი-ედინბურგის, ჰამბურგი-კატოვიცეს, სოფია-სტოკჰოლმის, სალონიკი-ვარშავის, გდანსკი-ვარშავისა და სხვა მიმართულებები.

მანამდე ირლანდიურმა კომპანიამ დღეში 50 ფრენის გაუქმების გადაწყვეტილება მიიღო. ამის მიზეზად Raynair-ში პილოტების საშვებულებო გრაფიკთან დაკავშირებული არეულობა დაასახელეს.

კომპანიაში ამბობენ, რომ ფრენების გაუქმება კომპანიას შეცდომის გამოსწორების საშუალებას მისცემს.

დაზარალებულ მგზავრებს ალტერნატიული მარშრუტით ფრენას ან ბილეთის საფასურის ანაზღაურებას სთავაზობენ.

ამას გარდა, თითოეული მგზავრი ​ ავიაკომპანიისგან დამატებით 40-ევროიან ვაუჩერს მიიღებს.

Raynair-ში კვლავ კატეგორიულად უარყოფენ, რომ პრობლემები პილოტების სიმცირემ გამოიწვია.