საბერძნეთში ყველა მედიასაშუალების წარმომადგენელი პროტესტის ნიშნად 24 საათით გაიფიცა.
გაფიცვის ორგანიზატორი ქვეყნის პროფკავშირებია. დღეს, დილის 06.00-დან ხვალ დილის 06.00 საათამდე რადიოსა და ტელევიზიაში ახალი ამბების გამოშვება არ გავა, არ მუშაობს საინფორმაციო ვებგვერდებიც.
გაფიცული მედიასაშუალების წარმომადგენლები დამატებითი სოციალური დაზღვევის სისტემის შენარჩუნებასა და მედიასაშუალებების თანამშრომლების შრომითი და სოციალური უფლებების დარღვევის შეწყვეტას ითხოვენ.
პროფკავშირებში ამბობენ, რომ მთავრობასთან და დამსაქმებლებთან ერთწლიანი მოლაპარაკებების შედეგად ვერ მოხერხდა იმ ფონდის გადარჩენა, რომლის საშუალებითაც ჟურნალისტები დამატებით პენსიებს, სამედიცინო მომსახურებას და ერთჯერად ფინანსურ დახმარებას იღებდნენ.