საქართველოში ფერმერთა სათათბირო შეიქმნა, რომლის მიზანი ფერმერების საქმიანობის ხელშეწყობა, პრობლემების იდენტიფიცირება, გადაჭრის გზების მოძებნა-დაგეგმვა და შემდგომ სახელმწიფო სტრუქტურებთან შუამდგომლობაა. ფერმერთა სათათბიროში ქვეყნის 60 მუნიციპალიტეტიდნ რეგიონულ დონეზე 120 ფერმერია წარმოდგენილი. სათათბიროს წარმომადგენლობა ევროკავშირის მხარდაჭერით შეიქმნა.
"ორგანიზებული ფორმით ფერმერთა სათათბიროს არსებობა ჩვენ გვეხმარება, ფერმერთა საჭიროებები მეტად დავინახოთ, შესაბამისად პოლიტიკაში მათი საჭიროებები პირდაპირ აისახება. ძალიან სასიხარულია ის ფაქტი, რომ დღეს რეგიონებიდან გვყავს 120 ახალგაზრდა ფერმერი. ეს არის დასტური იმისა, რომ სოფლის მეურნეობის სფერო, აგრარული დარგი წლიდან წლამდე ხდება უფრო საინტერესო", - განაცხადა სოფლის მეურნეობის მინისტრმა ლევან დავითაშვილმა.