117 მომხრე ორი წინააღდეგი - საკონსტიტუციო ცვლილებები დამტკიცებულია. ქვეყნის უზენაეს კანონში განხორციელებული ცვლილებები 2018 წელს ახალარჩეული პრეზიდენტის ინაუგურაციის შემდეგ შევა ძალაში.
78 მუხლისგან შემდგარი საქართველოს ახალი კონსტიტუცია მოიცავს როგორც ადამიანის უფლებების დაცვის თავებს, ასევე განსაზღვრავს ძალთა ბალანსს სახელისუფლო შტოებს შორის.
საკანონმდებლო მაცნეში გამოქვეყნებამდე პარლამენტი კონსტიტუციურ პროექტს ხელმოსაწერად პრეზიდენტ გიორგი მარგველაშვილს გადაუგზავნის.
იმ შემთხვევაში, თუ პრეზიდენტი კანონპროექტს ხელს არ მოაწერს და ვეტოს დაადებს, მას საკანონმდებლო ორგანოსთვის მოტივირებული შენიშვნების წარდგენა და საკუთარი გადაწყვეტილების დასაბუთება მოუწევს.
რა განცხადებები კეთდება პარლამენტში საკონსტიტუციო ცვლილებების დამტკიცების შემდეგ- მიშა ფეიქრიშვილი დეტალებით.