“დემოკრატიული მოძრაობის“ მერობის კანდიდატი კახა კუკავა აცხადებს, რომ ხელისუფლება პარტია “ევროპულ საქართველოს“ სასათბურე პირობებს უქმნის.

როგორც კახა კუკავამ აღნიშნა, აუდიტის სამსახურის მონაცემებით, "ევროპულ საქართველოს" ძალიან ბევრი შემოწირულობა აქვს მიღებული.

"აუდიტის სამსახურის ბოლო თვის მონაცემებით, სულ შემოწირულობები პოლიტიკურმა პარტიებმა 4 800 000 ლარის ოდენობით მიიღეს, საიდანაც 4 500 000 (93%) მმართველმა პარტიამ, ხოლო 287 000 (5%) "ევროპულმა საქართველომ" მიიღო. ყველა დანარჩენმა პარტიამ ერთად 25 000 ლარი, საერთო რაოდენობის( 0,2 %) მიიღო. ეს მაჩვენებელი ასახავს იმას, თუ რეალურად ქვეყანაში არსებული ბიზნეს სექტორის პირობებში, რომელი პარტიების დაფინანსებას "ბედავს" ბიზნესი. აღსანიშნავია ისიც, რომ როგორც “ქართული ოცნების“, ისე "ევროპული საქართველოს" ერთ-ერთი მთავარი შემომწირველი არის დავით კეზერაშვილი, რომლის კუთვნილი სარეკლამო კომპანიამ, მთელი სარეკლამო ფართი "ქართულ ოცნებაზე"და " ევროპულ საქართველოზე" გადაანაწილა", - განაცხადა კახა კუკავამ.