კონსტიტუციის პროექტის გარდა, პოლიტიკური უთანხმოების საგანია თვითმმართველობის რეფორმაც.
განსაკუთრებული აქცენტი რაიონების და სოფლების მართვის პროცესში მოქალაქეების აქტიურ ჩართულობაზე კეთდება, რაც 2014 წელს მიღებული, თუმცა თვეების წინ ისევ შეცვლილი კანონის ერთ-ერთ პრიორიტეტად სახელდება.
მოამბე რამდენიმე რეგიონში ჩავიდა იმის გასარკვევად, თუ რამდენად ერევიან ადგილობრივები თვითმმართველი ორგანოების საქმიანობაში და რამდენად იყენებენ მუნიციპალიტეტების მუშაობაში ჩართვის მექანიზმებს, რაც კანონშია გაწერილი.
კომენტარების მიხედვით ირკვევა, რომ ადილობრივი მოსახლეობის დიდი ნაწილი თვითმმართველობების მიმართ ნიჰილისტურად არის განწყობილი და მთავარი გადაწყვეტილებების მიღების წყაროდ ისევ ცენტრალურ ხელისუფლებას მიიჩნევს.