ატვირთვა
ავტორიზაცია რეგისტრაცია
5 107 956
ნახვა
345
ხელმომწერი
23 824
ვიდეო

ილიას უნივერსიტეტის რექტორის განცხადება

გაზიარება
სექტემბერი 25, 2017
252
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ყოფილი ლექტორები თუ უნივერისტეტის მიერ გამოცხადებულ კონკურსში გაიმარჯვებენ, გახდებიან ილიას სახელმწიფო უნივერსიტეტის პროფესორები, ოღონდ მათ აეკრძალებათ სხვა უნივერსიტეტში აკადემიური პოზიციის დაკავება, - ამის შესახებ ილიას უნივერსიტეტის რექტორმა გიგა ზედანიამ უნივერსიტეტის ბიზნესის სკოლის სტუდენტებთან შეხვედრის შემდეგ განაცხადა.

რექტორი სტუდენტებთან შეხვედრის შემდეგ განმარტავს, რომ ყოფილ ლექტორებთან უნივერსიტეტმა შესაძლოა, თანამშრომლობა გააგრძელოს, თუმცა მათ ილიას უნივერსიტეტის მიერ გამოცხადებულ კონკურსში უნდა მიიღონ მონაწილეობა.

მისივე განმარტებით, მთავარი მოტივი, თუ რატომ არ გაუგრძელდათ ხელშეკრულებები ის არის, რომ სხვა კერძო უნივერსიტეტების პროფესორები გახდნენ.

„ბიზნსეს სკოლას მოუწია ახალი აკადემიური პერსონალის მოძიება. მიუხედავად ამისა, ჩვენ არ გამოვრიცხავთ, რომ თანამშრომლობა გაგრძელდეს, ოღონდ ამ მოწვეულმა ლექტორებმა უნდა მიიღონ მონაწილეობა გამოცხადებულ კონკურსში.

დაახლოებით 15-მდე პროფესორის ვაკანსიაზე არის კონკურსი გამოცხადებული. შესაბამისად, თუ ისინი გაიმარჯვებენ, გახდებიან ილიას სახელმწიფო უნივერსიტეტის პროფესორები, ოღონდ მათ აეკრძალებათ სხვა უნივერსიტეტში აკადემიური პოზიციის დაკავება“, - განაცხადა გიგა ზედანიამ.

რექტორის თქმით, სტუდენტების მოთხოვნა, რომ თანამდებობიდან გათავისუფლდეს ბიზნეს სკოლის დეკანი, მისი კომპეტენცია არ არის, რადგან დეკანი ბიზნეს ფაკულტეტის პროფესორებმა და სტუდენტებმა აირჩიეს.

,,დეკანს რექტორი ვერ გადააყენებს. დეკანი არის არჩეული ბიზნეს ფაკულტეტის პროფესორებისა და სტუდენტების მიერ. შესაბამისად, ჩემი კომპეტენცია არ არის მისი თანამდებობიდან გადაყენება“, - განაცხადა გიგა ზედანიამ.

სტუდენტებმა შეხვედრაზე ზედანიას იმ კონკრეტული ლექტორების გვარები წარუდგინეს, რომლებიც სხვა უნივერისტეტებში არ მუშაობენ.

გიგა ზედანიას თქმით, ის განიხილავს ცალკეულ ქეისებს.

„მე მითხრეს ამასთან დაკავშირებით. პირადად დავინტერესდები ამ შემთხვევით და თუ საფუძველი არ არსებობს, ვნახოთ რისი გაკეთება იქნება შესაძლებელი“, - განაცხადა რექტორმა.

მაჩვენე მეტი