ცისანა ტატიშვილს 26 სექტემბერს ოპერის თეატრიდან გამოასვენებენ. რუსთაველისა და ფალიაშვილის სახელობის სახელმწიფო პრემიების ლაურეატი, სახალხო არტისტი, გამოჩენილი ქართველი სოპრანო ცისანა ტატიშვილი ინსულტის დიაგნოზით 80 წლის ასაკში გარდაიცვალა. ის 38 წლის განმავლობაში იყო თბილისის ოპერისა და ბალეტის სახელმწიფო აკადემიური თეატრის პრიმადონა. სხვადასხვა დროს, ცისანა ტატიშვილი მღეროდა დიდი თეატრის, მარიის თეატრის, ბერლინის „დოიჩე“ და “კომიშე“ ოპერების სცენებზე. მისი სახელობის ვარსკვლავი თბილისის ოპერის წინ 2010 წელს გაიხსნა. ცისანა ტატიშვილს დიდუბის მწერალთა და საზოგადო მოღვაწეთა პანთეონში დაკრძალავენ.