ქართული მართლმსაჯულებისთვის რეზონანსული საქმის მოულოდნელი ფინალი - გვანცა ყუფარაძე ადამიანის უფლებათა ევროპული სასამართლოს გადაწყვეტილების მიღმა მისი საქმის ქართველი მოსამართლის ზეგავლენის ნიშნებს ხედავს.

7-წლიანი ლოდინის შემდეგ სტრასბურგის სასამართლომ ყოფილი მსჯავრდებულის სარჩელი არ დააკმაყოფილა, რაც იმას ნიშნავს, რომ თავის დროზე არასრულწლოვანი პატიმრის მძიმე საპატიმრო პირობები და სამართლიანი სასამართლოს უფლების დარღვევა არ აღიარა.

2006 წელს განზრახ მკვლელობის მცდელობის ბრალდებით დაკავებული 14 წლის გვანცა ყუფარაძე 5 წელი სასჯელს ქალთა კოლონიაში იხდიდა.

ყოფილი პატიმრის გარდა, სტარსბურგის გადაწყვეტილებით უკმაყოფილოა იუსტიციის მინისტრიც, რომელიც გახმაურებული საქმის ზედაპირულ განხილვაზე საუბრობს.