ატვირთვა
ავტორიზაცია რეგისტრაცია
5 107 904
ნახვა
345
ხელმომწერი
23 824
ვიდეო

ილიას უნივერსიტეტის სტუდენტები ლექტორების გათავისუფლების გამო უკმაყოფილებას გამოთქვამენ

გაზიარება
სექტემბერი 21, 2017
244
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ილიას სახელმწიფო უნივერსიტეტის ბიზნესის სკოლის სტუდენტები დეკანს ხვდებიან. მათ სურთ გაარკვიონ, რატომ შეუწყდათ შრომითი ხელშეკრულებები მოწვეულ ლექტორებს. ნინო პატარაიას განცხადებით, შრომითი ხელშეკრულების შეწყვეტას ადგილი არ ჰქონია.

"ხუთი მოწვეული ლექტორის ხელშეკრულება უბრალოდ ამოიწურა, ჩვენ უნდა გადაგვეწყვიტა, გავაგრძელებდით თუ არა მათთან თანამშრომლობას", - აცხადებს დეკანი.

მისივე თქმით, უნიცერსიტეტში ავტორიზაციის პროცესი მიმდინარეობს და მათთვის პრიორიტეტული იყო პროცესში ილიას უნივერსიტეტში მომუშავე აკადემიური პერსონალის ჩართვა.

"ლექტორები, რომლებზეც სტუდენტები საუბრობდნენ, სხვა უმაღლეს დაწესებლებებშიც მუშაობენ. ჩვენ ავტორიზაციის პროცესი გვავალდებულებს, რომ პროგრამას ხელმძღვანელობდეს პროგრამასთან აპელირებული პროფესორები", - განაცხადა დეკანმა.

ნინო პატარაიას თქმით, მათ გამოცხადებულ კონკურსში მონაწილეობა არ მიუღიათ.

ილიას სახელმწიფო უნივერაიტეტს 9 აკადემიური პერსონალი დაემატა, 17 პოზიციაზე კი კონკურსი ახლაც მიმდინარეობს.

სტუდენტებისთვის დეკანის განმარტება არადამაჯერებელია. ისინი არ გამორიცხავენ, რომ ადმინისტრაციამ გადაწყვეტილება პირადი სიმპათიების სააფუძველზე მიიღო. სტუდენტები აცხადებენ, რომ მათთვის მიუღებელია წარმატებული ლექტორების გათავისუფლება.

დღესვე ილიას სახელმწიფო უნივერსიტეტის რექტორს ბიზნესის სკოლის ყოფილი თანამშრომლები შეხვდებიან. შეხვედრის შემდეგ ცნობილი გახდება სტუდენტების სამომავლო გეგმები.

მაჩვენე მეტი