ევროკავშირი-საქართველოს ასოცირების საპარლამენტო კომიტეტმა მუშაობა დაასრულა. რიგით მე-5 შეკრების ბოლოს ევროპელმა და ქართველმა პარლამენტარებმა ტრადიციული დოკუმენტი მიიღეს, რომელშიც საქართველოსა და ევროკავშირს შორის არსებული ურთიერთობების გარდა, საუბარია საქართველოში გატარებულ რეფორმებზე, არჩევნებზე, ტერიტორიულ მთლიანობასა და საკონსტიტუციო ცვლილებებზე.
ევროპარლამენტარები იმედოვნებენ, რომ კონსტიტუციის ახალ რედაქციაში ვენეციის კომისიის დასკვნები იქნება გათვალისწინებული.
39 პუნქტიან ერთობლივ დოკუმენტში მხარდაჭერილია საქართველიოს ტერიტორიული მთლიანობა და სუვერენიტეტი.
საუბარი შეეხო აღმოსავლეთ პარტნიორობის სამიტსაც, სადაც ევროპარლამენტარები მომდევნო 2 წლის განმავლობაში ხელშესახები შედეგებისთვის საქართველოსთვის ამბიციური დღის წესრიგის დაწესებას მოითხოვენ.