პირველი არხის ეთერში დღეს, 21 საათზე ბათუმის მერობის კანდიდატების დებატები გაიმართება. საზოგადოებრივი მაუწყებლის პროექტი ,,თვითმმართველობა 2017” რეგიონებიდან პირველ პირდაპირ ეთერს იწყებს.

ბათუმის მერობის კანდიდატებს დღევანდელ გადაცემაში საათნახევარი დაეთმობათ. ერთმანეთის პირისპირ 5 კანდიდატი წარდგება.

ოჯახური მიზეზების გამო დებატებში მონაწილეობას ვერ მიიღებს „ლეიბორისტული პარტიის“ კანდიდატი.

ფორმატი ასეთია - კანდიდატებს შეკითხვებს სტუდიაში დაუსვამენ, ასევე მათთვის სპეციალური ვიდეოა მომზადებული, სადაც კითხვებს მოქალაქეები სვამენ.