ატვირთვა
ავტორიზაცია რეგისტრაცია

ტრანსსასაზღვრო თანამშრომლობა დაცულ ტერიტორიებს შორის

გაზიარება შექმენი ლუპი
სექტემბერი 20, 2017
192
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ჯავახეთის ეროვნული პარკის ვიზიტორთა ცენტრს სომხეთის გარემოს დაცვის მინისტრი არცვიკ მინასიანი სტუმრობდა. ჯავახეთის და ტბა არპის დაცულ ტერიტორიებს შორის ტრანსსასაზღვრო თანამშრომლობის პრეზენტაცია გაიმართა. გარემოსა და ბუნებრივი რესურსების დაცვის მინისტრის მოადგილემ ეკატერინე გრიგალავამ ტრანსსასაზღვრო თანამშრომლობის მნიშვნელობის შესახებ ისაუბრა. ვიზიტორთა ცენტრში ჯავახეთის და ტბა არპის დაცულ ტერიტორიებს შორის მიმდინარე ტრანსსასაზღვრო თანამშრომლობის წარდგენა მოხდა. ორივე დაცულ ტერიტორიაზე ჩატარდება ბიომრავალფეროვნების ტრანსსასაზღვრო მონიტორინგი; ორნითოლოგიური მონიტორინგი ერთი და იგივე მეთოდოლოგიით, ერთსადაიმავე სახეობებზე. შემუშავდება ერთობლივი ბაზა და ჩატარდება ერთობლივი ტრენინგები. ასევე, დაცულ ტერიტორიებზე მოხდება ტრანსსასაზღვრო ტურიზმის ხელშეწყობა. შემუშავდება ერთიანი რეგიონალური სტანდარტი, ტრანსსასაზღვრო ტურისტული მარშრუტი და ტურისტული პროდუქტი. სტუმრები ტბა მადათაფაზე იმყოფებოდნენ, სადაც გადამფრენ ფრინველებს დააკვირდნენ. ასევე, ჯავახეთის ეროვნულ პარკში ტრანსსასაზღვრო ველო-რბოლაც გაიმართა, რომელმაც სტარტი მადათაფას ტბაზე აიღო და სომხეთში არპის დაცულ ტერიტორიებზე დასრულდა. რბოლის მონაწილეებს ეკატერინე გრიგალავამ და არცვიკ მინასიანმა სერტიფიკატები გადასცეს. ღონისძიება ტრანსსასაზღვრო გაერთიანებული სამდივნოს - TJS - ის მესამე ფაზის ფარგლებში გაიმართა. პროექტი ბუნების დაცვის მსოფლიო ფონდის (WWF) კავკასიის წარმომადგენლობის მიერ ხორციელდება, გერმანიის ეკონომიკური თანამშრომლობისა და განვითარების სამინისტროს (BMZ) და გერმანიის რეკონსტრუქციის საკრედიტო ბანკის (KFW) ფინანსური მხარდაჭერით. ღონისძიებას დიპლომატიური კორპუსის, ადგილობრივი თვითმმართველობის წარმომადგენლები, დაცული ტერიტორიების სააგენტოს თავმჯდომარე და საერთაშორისო ექსპერტები დაესწრნენ.

მაჩვენე მეტი