ინტელექტუალური საკუთრების მსოფლიო ორგანიზაციის და საქართველოს ინტელექტუალური საკუთრების ეროვნული ცენტრის საქპატენტის ორგანიზებით, თბილისში, საქპატენტის სასწავლო ცენტრში, ისმოს-ს პროფესიული განვითარების პროგრამის ფარგლებში, ინგლისურენოვანი სასწავლო კურსი გეოგრაფიული აღნიშვნების შესახებ ტარდება.
სასწავლო კურსის მონაწილეები საქპატენტის ხელმძღვანელობისა და შესაბამისი დარგის სპეციალისტებისგან გეოგრაფიული აღნიშვნების შესახებ ლექციებს მოისმენენ.
ასევე, გაეცნობიან სამართლებრივი დაცვის მექანიზმებს, დაცვის სხვადასხვა სამართლებრივ სისტემებს და საერთაშორისო პრაქტიკას.
კურსის ფარგლებში გაიმართება დისკუსია სხვადასხვა საკითხებზე, მათ შორის, ბრენდინგის სტრატეგიებს და ამ მნიშვნელოვან პროცესში გეოგრაფიული აღნიშვნების როლზე.
სასწავლო კურსი დღეს დაიწყო და 22 სექტემბერს დასრულდება. კურსის დასასრულს მონაწილეებს სასწავლო კურსის გავლის დამადასტურებელი სერტიფიკატები გადაეცემათ.