„წიგნების თაროს” მეოთხე სეზონში მონაწილეობის მსურველთა რეგისტრაცია დაიწყო. განაცხადი მიიღება 18 სექტემბრიდან - 6 ოქტომბრამდე. შეავსე აპლიკაცია - http://1tv.ge/projects/wignebistaro/

თამაშის მეოთხე სეზონში მონაწილეობის მსურველმა სკოლებმა უნდა გაიარონ რამდენიმე ეტაპი:
1. სკოლის უფლებამოსილმა წარმომადგენელმა (დირექტორი, მასწავლებელი) უნდა დაარეგისტრიროს სამი მოსწავლისგან შემდგარი გუნდი გადაცემის ფეისბუქის გვერდზე, ან პირველი არხის ვებგვერდზე არსებული აპლიკაციის მეშვეობით;
2. რეგისტრაციის დასრულების შემდეგ, დარეგისტრირებულ სკოლებთან მოეწყობა ონლაინ-გასაუბრება, რომლის შედეგადაც გამოვლინდება შემდეგ ტურში გადასული სკოლები;
3. მეორე ტურში გადასულ გუნდებს ჟიური პირადად შეხვდება როგორც თბილისში, ასევე რეგიონებში და უფრო ვრცელი გასაუბრების საფუძველზე გამოავლენს გადაცემაში მონაწილე 32 გუნდს.
სკოლას აქვს მხოლოდ ერთი გუნდის რეგისტრაციის უფლება.
გუნდის წევრი უნდა აკმაყოფილებდეს შემდეგ კრიტერიუმებს:
1. იყოს მე-10, მე-11, ან მე-12 კლასის მოსწავლე;
2. იყოს წარმდგენი სკოლის მოსწავლე (გადაცემის შემოქმედებითი ჯგუფი გირჩევთ გუნდის დაკომპლექტებისას გაითვალისწინოთ ინტერესი მხატვრული ლიტერატურისადმი და არა მაღალი აკადემიური მოსწრება) ;
3. არ უნდა იყოს „წიგნების თაროს“ წინა სეზონების გამარჯვებული.