ისლანდიაში რვა თვის წინ ფორმირებული კოალიციური მთავრობა დაშლის პირას არის. პრემიერ-მინისტრმა ბიარნი ბენეტიკტსონმა რიგგარეშე არჩევნები დააანონსა. მმართველი კოალიციის დაშლის მიზეზად პრემიერ-მინისტრის ოჯახთან დაკავშირებით აგორებული სკანდალი იქცა.
როგორც ირკვევა, პრემიერ-მინისტრ ბენეტიკტსონის მამამ, რამდენიმე თვის წინ, იუსტიციის მინისტრს თხოვნით მიმართა, შუამავლობა გაეწია სექსუალური ძალადობის ბრალდებით გასამართლებული მამაკაცის შეწყალების პროცესში. მსჯავრდებული პრემიერის მამის ახლო მეგობარია. რამდენიმე წლის წინ, ის რეიკიავიკის სასამართლომ მოზარდზე ძალადობაში დამნაშავედ სცნო.
ისლანდიის იუსტიციის მინისტრმა მაისში პრემიერს მისი მამის თხოვნის შესახებ აცნობა, თუმცა პრემიერ-მინისტრ ბენეტიკტსონს აღნიშნულ საკითხთან დაკავშირებით არავითარი რეაგირება არ მოუხდენია.