გიორგი მერებაშვილის წარმატებულმა მატჩმა "ვისლას" ქულა გადაარჩინა. პოლონეთის ექსტრაკლასას მე-8 ტურში ლიდერმა ლიუბინის "ზაგლებიემ" გიორგი მერებაშვილის პლოცკის "ვისლას" უმასპინძლა და პირველივე ტაიმში 2:0 დაწინაურდა.

თამაშის ხასიათი მოედანზე საქართველოს ნაკრების ნახევარმცველმა შეცვალა - გიორგი მერებაშვილი მოედანზე მეორე ტაიმში გამოჩნდა და გუნდს ქულა გადაურჩინა.

57-ე წუთზე ქართველის პასით მატეუშ პიატკოვსკიმ სხვაობა შეამცირა, 69-ზე კი ქართველის წაქცევისთვის პენალტი დაინიშნა, რომელიც ურუგვაელმა ნიკოლას ვარელამ გამოიყენა და "ვისლამ" ლიდერს უმნიშვნელოვანესი ქულა აართვა.

ექტსრაკლასაში გამართული 8 ტურის შემდეგ მერებაშვილის გუნდი 8 ქულით მე-12 ადგილზეა.