სექტემბერი 9, 2017
292
2 ადამიანი დაიღუპა ბათუმში, ახალი ბულვარის მიმდებარედ საცხოვრებელი კორპუსის მშენებლობაზე 30 წლამდე ასაკის ორი მამაკაცი ამწის კაბინაში იმყოფებოდა, რომელსაც მისაბმელი გაუწყდა, რის გამოც ორივე გადმოვარდა.
სასწრაფო დახმარებას ორივე მათგანი გარდაცვლილი დახვდა. ობიექტზე ამ დროისთვის სამუშაოები შეჩერებულია.
კორპუსს კომპანია „მეტრო“ აშენებს, რომლის წარმომადგენელიც აცხადებს, რომ ამწეები გამართული იყო და მისი ექსპლუატაციაში ყოფნის შესაბამისობის დამადასტურებელი დოკუმენტაციაც არსებობს.
მშენებლობაზე დასაქმებულები ამბობენ, რომ შემთხვევა სამუშაო საათების დასრულების პერიოდში მოხდა. ისინი არ აკონკრეტებენ, რა შეიძლებოდა გამხდარიყო მომხდარის მიზეზი და იყო თუ არა უსაფრთხოების ნორმები დაცული.
მაჩვენე მეტი