ქვეყანაში არსებული წინასაარჩევნო გარემო. „სამართლიანი არჩევნებისა და დემოკრატიის საერთაშორისო საზოგადოებამ" მონიტორინგის პირველი შუალედური ანგარიში გამოაქვეყნა.
დოკუმენტი 24 ივლისიდან 4 სექტემბრის ჩათვლით პერიოდს მოიცავს და ის მოვლენებია ასახული, რომელთა განვითარება 24 ივლისამდე დაიწყო და მონიტორინგის პერიოდში მიმდინარეობდა.
ანგარიშში ნათქვამია, რომ წინასაარჩევნო პერიოდი ძირითადად მშვიდ გარემოში მიმდინარეობდა, თუმცა იყო კონკრეტული დარღვევები. დოკუმენტის მიხედვით, მნიშვნელოვან ტენდენციას წარმოადგენს ის, რომ არაერთი მუნიცოპალიტეტის ბიუჯეტში ცვლილებები ივნისის თვიდან აქტიურად ხორციელდებოდა, ხოლო სახელმწიფო და თვითმმართველობის ბიუჯეტით განსაზღვრული სოციალური და ინფრასტრიქტურული პროექტები ისეა დაგეგმილი, რომ მათი ძირითადი აქტივობები ხშირ შემთხვევაში სააარჩვნო პერიოდს ემთხვევა.
ბენიძის განმარტებით, ეს ფაქტები საარჩევნო კოდექსის დარღვევას არ წარმოადგენს, თუმცა ქმნის შთაბეჭდილებას, რომ საარჩევნო პერიოდში ინფრასტრუქტურული და სოციალური პროექტების გააქტიურება და მათი დაფინანსების ზრდა მიმართულია არჩევნების წინ ამომრჩეველთა კეთილგანწყობის გასაზრდელად მმართველი პარტიის სასარგებლოდ.
ანგარიშს მმართველ გუნდშიც გამოეხმაურნენ.