დეკანოზ გიორგი მამალაძის ადვოკატების აზრით, ხელისუფლებასა და საპატრიარქოში მყოფი ერთი კონკრეტული ჯგუფი დეკანოზის წინააღმდეგ მოქმედებდა.
მათი თქმით, სწორედ ამის გამო გამოიტანა მოსამართლე ბესიკ ბუგიანიშვილმა გუშინდელ სხდომაზე გამამტყუნებელი განაჩენი.
გიორგი მამალაძის ადვოკატ გიორგი ფანცულაიას განცხადებით, მეუფე იაკობს წინასწარ გააჩნდა ინფორმაცია იმის შესახებ, რომ დეკანოზის წინააღმდეგ შეთქმულება იგეგმებოდა. ადვოკატის მტკიცებით, მეუფე იაკობი თავადაც იღებდა ამ პროცესის დაგეგმვაში მონაწილეობას.
გიორგი ფანცულაიას განცხადებით, სასამართლომ უკანონო გადაწყვეტილება მიიღო, ამიტომ დაცვის მხარე ბრძოლის გაგრძელებას გეგმავს. ადვოკატის განმარტებით, ის განაჩენის გასაჩივრებას ჯერ საქართველოში, ხოლო შემდეგ სტრასბურგში აპირებს.