ატვირთვა
ავტორიზაცია რეგისტრაცია

ლოს ანჯელესსა და ატლანტაში საიმიგრაციო პროგრამის დასაცავად საპროტესტო აქციები გაიმართა

გაზიარება შექმენი ლუპი
სექტემბერი 6, 2017
39
EMBED:
URL:

აირჩიეთ პლეიერის სასურველი ზომა.

  • px
  • px
  • Embed ძველი ვერსია

ლოს ანჯელესსა და ატლანტაში საიმიგრაციო პროგრამის, DACA-ს დასაცავად საპროტესტო აქციები გაიმართა. დემონსტრანტები ამერიკის შეერთებული შტატების პრეზიდენტ დონალდ ტრამპს მოუწოდებენ, არ გააუქმოს პროგრამა, რომელიც დეპორტაციისგან 800 000-ზე მეტ არალეგალს იცავს.

DACA (Deferred Action for Childhood Arrivals) დეპორტაციისგან იმ არალეგალ მიგრანტებს იცავს, რომლებიც აშშ-ში დასარჩენად არასრულწლოვნები ჩავიდნენ.

როგორც მოსალოდნელია, თეთრი სახლი საიმიგრაციო პროგრამასთან დაკავშირებით გადაწყვეტილებას დღეს გამოაცხადებს. ამასთან, როგორც სააგენტო Reuters-ი იტყობინება, დონალდ ტრამპი DACA-ს გაუქმებას გადადებს და კონგრესს ალტერნატიული კანონპროექტის მოსამზადებლად ექვსთვიან ვადას მისცემს.

დღეს საიმიგრაციო პროგრამის მხარდამჭერი აქცია დაგეგმილია ვაშინგტონში, თეთრ სახლთან.

პროგრამა DACA ბარაკ ობამას ადმინისტრაციის ინიციატივით 2012 წლის ივნისში ამოქმედდა. პროგრამის გაუქმების წინააღმდეგია ნიუ იორკის გუბერნატორი ენდრიუ კუომო. მისი განცხადებით, თუ დონალდ ტრამპი აღნიშნულ განკარგულებას გააუქმეს, ის სასამართლოს მიმართავს.

„ჩვენ ვერ გავდგებით განზე და უმოქმედოდ ვერ ვუყურებთ 42 000 ნიუ იორკელის დეპორტაციას“, - წერს კუომო „ტვიტერში“.

მაჩვენე მეტი