ოფიციალური თბილისი კიევიდან პასუხს ელის. საქართველოს პროკურატურამ უკრაინის იუსტიციის სამინისტროს მიხეილ სააკაშვილის დაკავების და ექსტრადირების თხოვნით კიდევ ერთხელ მიმართა. საექსტრადაციო მასალებს ახლა შესაბამისი უწყებები განიხილავენ.
გადაწყვეტილების მიღებამდე ოდესის ექსგუბერნატორის ქართველი ადვოკატები პოლიტიკურ დევნაზე საუბრობენ და უკრაინულ მხარეს ევროკონვენციას ახსენებენ.
საქართველოში სისხლის სამართლის ოთხ საქმეში ბრალდებული ექსპრეზიდენტი ამ დროისთვის პოლონეთში იმყოფება და კიევში ჩასვლას 10 სექტემბერს აანონსებს.
არსებობს თუ არა სამართლებრივად სააკაშვილის დაკავება-ექსტრადირების საფუძველი იმ ფონზე, რომ ის საქართველოს მოქალაქე აღარ არის, უკრაინის მოქალაქეობა კი ჩამორთმეული აქვს -გიორგი კობერიძე დეტალებით.