ოთარ აბესაძის ჯანმრთელობის გაუარესების გამო, წინასასამართლო სხდომა გადაიდო.
როგორც ადვოკატმა ლილი გელაშვილმა განმარტა, სხდომის გადადება თავად ბრალდებულმა მოითხოვა.
ადვოკატის ინფორმაციით, აბესაძის ჯანმრთელობის მდგომარეობა დღეს სხდომის დახურვის შესახებ დაყენებულ შუამდგომლობას უკავშირდება.
"ოთარ აბესაძე სწორედ მაშინ გახდა ცუდად როდესაც, ბრალდებამ წარადგინა მტკიცებულებები, მისი ჯანმრთელობის მდგომარეობა ვერ არის სახარბიელო. შემიძლია გითხრათ, რომ პერსონალური მონაცემებში სწორედ ამას ვგულისხმობთ -ანუ მონაცები ეხება მის ჯანმრთელობას, სხვა დეტალებს ვერ გეტყვით. მისი მდგომარეობიდან გამომდინარე თავად ოთომ ითხოვა სხდომის გადადება, ხვალ დავაყენებთ აღკვეთის ღონისძიების შეცვლაზე შუამდგომლობას. ეს შუამდგომლობა სწორედ იმ მონაცემებს ეყრდნობა, რომლის გამოც მოვითხოვეთ სხდომის დახურვა", -განაცხადა გელაშვილმა.
ბრალდების მხარე ამბობს, რომ აბესაძის პატიმრობაში ყოფნა ამ ეტაპზე მნიშვნელოვანია, რათა არ მოხდეს ბრალდებულის მიერ მოწმეებზე ზემოქმედება და მტკიცებულებების განადგურება