ცენტრალური საარჩევნო კომისიის ინფორმაციით, დღეს დასრულდება თვითმმართველობის არჩევნებზე დარეგისტრირების მსურველი საინიციატივო ჯგუფების მიერ წარდგენილი ხელმოწერების ბლანკების შემოწმება.
ცესკო-ს ინფორმაციით, ამ ეტაპზე ცენტრალურ საარჩევნო კომისიას ერთმა საინიციატივო ჯგუფმა მიმართა, რომელმაც უკვე გაიარა რეგისტრაცია, ხოლო რეგიონებში მერობის კანდიდატის წარდგენის მიზნით, საოლქო საარჩევნო კომისიებს რეგისტრაციისათვის 18 კანდიდატმა მიმართა, აქედან ერთ მათგანს რეგისტრაციაზე უარი ეთქვა.
ცესკო-ს პრესსპიკერის ინფორმაციით, თითქმის ყველა რეგიონში უკვე დასრულდა მხარდამჭერთა ხელმოწერების შემოწმების პროცესი.
კანდიდატების მიერ წარდგენილი სიები, რომელიც დადგენილ წესებს არ შეესაბამებოდა, გაბათილდა და მიმდინარეობს ხარვეზის გამოსწორების პროცესი, რომელიც 6 სექტემბერს დასრულდება.