ჩრდილოეთ კორეა ამტკიცებს, რომ წარმატებით გამოსცადა ბირთვული იარაღი, რომლის დამონტაჟებაც რაკეტაზეა შესაძლებელი.
ამის შესახებ ინფორმაცია ჩრდილოეთ კორეის სახელმწიფო ტელევიზიამ გაავრცელა. ფხენიანში ამბობენ, რომ წყალბადის ბომბის გამოცდამ წარმატებით ჩაიარა.
მანამდე სამხრეთ კორეის თავდაცვის სამინისტრომ გაავრცელა ცნობები, რომ ჩრდილოეთ კორეის ტერიტორიაზე 6,3 მაგნიტუდის მიწისძვრა დაფიქსირდა, რაც სავარაუდოდ, ფხენიანის მიერ ჩატარებულმა ბირთვულმა ცდამ გამოიწვია.
რყევების ეპიცენტრი იმ რაიონში მდებარეობდა, სადაც ჩრდილოეთ კორეის ბირთვული ცდების ჩატარებისთვის განკუთვნილი პოლიგონი მდებარეობს.
მომხდარის გამო სამხრეთ კორეასა და იაპონიაში უშიშროების საბჭოს საგანგებო სხდომა გაიმართა. ორივე ქვეყნის მთავრობამ ფხენიანის ქმედება დაგმო.